Слово о полку Игореве

29 СЛОВО О ПЛЪКУ ИГОРЕВЕ, ИГОРЯ СЫНА СВЯТЪСЛАВЛЯ, ВНУКА ОЛЬГОВА Не лепо ли ны бяшет1, братие, начяти старыми словесы трудных повестий2 о пълку Игореве, Игоря Святъславлича? Начати же ся тъй песни по былинамь сего времени, а не по замышлению Бояню. Боян бо вещий, аще кому хотяшо песнь творити, то растекашется мыслию3 по древу, серым вълком по земли, шизым орлом под облакы. Помняшеть бо, рече4, първых времен усобице5. Тогда пущашеть 10 соколовь на стадо лебедей: который дотечаше6, та преди песнь пояше старому Ярославу7, храброму Мстиславу8, иже зареза Редедю пред пълкы касожьскыми9, красному Романови Cвятъславличю10. Боян же, братие, не 10 соколовь на стадо лебедей пущаше, н своя вещиа пръсты на живая струны въскладаше; они же сами князем славу рокотаху. 1 не следует ли нам 2 ратные, может быть, печальные повести 3 Ряд ученых вместо «мыслию» читает «мысию» (белкой). 4 говорят 5 здесь, очевидно, войны 6 какую догонял 7 Ярослав Владимирович (Мудрый) (ум. в 1054 г.). 8 Брат Ярослава Мстислав Владимирович, князь тьмутараканский и черниговский (ум. в 1036 г.). 9 См. летописное предание, стр. 20 – 21. 10 Роман Святославич, внук Ярослава Владимировича, князь тьмутараканский (ум. в 1079 г.).