Собрание древних грамот и актов

а* стыр звирхни тых поповъ и каэнодей братских розсудкомъ права сво­его духовного розсудивши изрозсудку узнавши их быть винными на-карност до враду свецкого отослал А вамъ враду нашому местскому ви-ленскому приказуемъ конечно то хотечи мети пб вас абысте сповинно-сти врадовъ ваших нечинечи втомъ няякое фолкги никому, того их но­вого братства* людемъ местскимъ подданымъ нашимъ мещаномъ вилен-скимъ и попомъ и казнодеемъ их братскимъ вцеркви и в манастыру нашом троецкомъ виленьокомъ отправоват болшей того недопущали и олтар яко властност церковную и нашу гдрскую до себе взяли и опильностю того досмотрели абы тые особы через которих непокой и розрух вречи посполитой вщинается черезъ васъ за певною сторожок» врадовою задержаны были до далшое науки и росказанья нашого гдрского и абысте того иначей нечинили подласкою Нашою гдрскою и винами вправе посполитомъ на непослушных врадников описаном конечно Пи­сан у варшаве Лета Божего нарожеия тисеча пятсот деветдесят ше­стого Мца Мая я в (22) дня. (-Подписано:) Sigismundus Rex. Матей Война-Писар, [Подлип. Летать притис. В* К. Л.) 14-Выпнс- с книгъ кгродских враду гдрског воеводства виленского. Льта божего нароженя л ф ч и (1598) мца февраля JSI (17) дня При-шодши до враду его королевское милости кгродского воеводства виленьско­го до мене Станислава пукшты клявзъкгейловича хоружог волковыиского вамесника виленского мещане его королевское милости места виленьского релии кгрецкое ремесла цеху швецкого. наимя иванъ лукяновичъ михай-ло ониековичъ. Сами от себе и именекъ инпшх брати своее ремесниковъ цеху шевъекого мещанъ его королевское милости виленьских людей набожень­ства релии кгрецкое оповедали и жаловали о том штож дей в року недавъ-но минулом тисеча пятсот деветдесятъ семом на ратушу места его коро-левъекое милости виленском перед паны бурмистри и радцы места вилен­ского они щевцове люди релии кгрецкое и релии немецкое мели справу